Frábær afmælisdrykkur a´la Drífa - óáfengur
Uppruni
Frískandi og svalandi drykkur sem Drífa setti saman. Upplagt að bjóða upp á hann í stað gosdrykkja í afmælisveislum – fullorðnir jafnt sem börn drekka þennan drykk. Hlutföllin eru ekki heilög og um að gera að nýta þá safa sem til eru í ísskápnum.
Forvinna
Fínt að búa til blönduna eitthvað áður og láta hana standa í kæli.
Hráefni
- 5 bollar appelsínusafi
- 3 bollar trönuberjasafi
- 5 bollar ananassafi
- 150 ml coconut syrup – fæst í matvöruverslunum (t.d. í Kosti eða Kaffitári)
- 50 ml Grenadine (jarðarberja- og hindberjasíróp (hefur fengist í Hagkaupi)
- Appelsína – skorin í sneiðar
- Ananas – í bitum
- Lime – skorið í sneiðar (má sleppa)
- Klakar – ísmolar
Verklýsing
Öllu blandað saman í könnu og borið fram kalt.
