Ljúffeng humarsúpa frá grunni

Ljúffeng humarsúpa frá grunni

Ljúffeng humarsúpa frá grunni

  • Servings: fyrir 4
  • Tími: 1-2 klukkustundir
  • Difficulty: meðal
  • Prenta

Uppruni

Þessi uppskrift er heimatilbúin og er hún mjög vinsæl hjá heimilisfólkinu.  Það má nota hana hversdags en þá drýgi ég humarinn með því að hluta hann niður.

Forvinna

Humarsoðið er hægt að búa til áður og geyma í kæli.

Hráefni

Humarsoð

  • U.þ.b.1 l vatn (vatnið á að ná yfir humarskeljarnar)
  • ½ laukur – saxaður
  • 3 – 4 selleristilkar – niðuskornir
  • 2 – 3 hvítlauksrif – smátt söxuð
  • Skel af u.þ.b. 1 – 1½ kg meðalstórum humrum. Stærð og fjöldi háð tilefni – fínt að kaupa t.d. skelbrot
  • Smjör
  • 1 tsk grænn pipar (niðursoðinn)
  • 1 tsk curry paste

Humarsúpa

  • Humarsoð
  • Smjör
  • 12 -16 meðalstórir hreinsaðir humrar
  • 2 – 3 gulrætur – mjög smátt saxaðar
  • 2 dl vatn
  • 3 dl hvítvín
  • 1 dl mjólk
  • 1 msk sósujafnari
  • 2 tsk salt
  • 1 tsk capers – saxaður
  • Nokkrir dropar tapasco
  • 1 – 2 msk heimagerð tómatsósa (sjá – uppskriftir – ýmislegt)
  • 1 msk sveppaduft – t.d. þurrkaður Kóngssveppur mulinn í morteli
  • Nokkrir dropar soyjasósa
  • Nýmalaður pipar
  • 2 – 3 dl rjómi
  • Þeyttur rjómi og persilja til skrauts

Verklýsing

Humarsoð

  1. Smjör brætt á pönnu – lauk, sellerí og hvítlauk bætt út í og steikt á vægum hita í 10 – 15 mínútur. Laukurinn á ekki að brúnast heldur verða glær
  2. Humarskelin sett á pönnuna og hitinn aðeins hækkaður – hrært í stutta stund. Vatni bætt við og hitað að suðu – látið sjóða í 10 – 15 mínútur. Þetta má einnig setja í pott og láta sjóða þar
  3. Niðursoðinn grænn pipar og curry paste sett út í og látið malla í u.þ.b. 30 mínútur (svipað og þegar hrísgrjón eru soðin)
  4. Soð síað frá í gegnum sigti og geymt – gott að láta renna vel af. Soðið er u.þ.b. 5 – 6 dl

 

Humarsúpan

  1. Smjör brætt í potti
  2. Hiti hækkaður og allur humarinn settur mjög snöggt í og aðeins hreyft við. Humarinn látinn steikjast örstutt á góðum hita (varast að steikja of mikið), tekinn upp úr og settur á disk – vökvinn látinn renna af í pottinn aftur (þ.e. aðallega smjör með ögn af humarbragði)
  3. Soð og vatn sett í pottinn og hitað að suðu – sósujafnari hrærður út í
  4. Hvítvín, mjólk, capers, tabasco, salt, soyjasósa, tómatsósa og sveppaduft – sett út í og hrært
  5. Gulrótum bætt við og látið krauma í 15 mínútur á meðalhita – gæta þess að hræra í reglulega
  6. Rjóma bætt við, pipra og smakka til – gott að láta standa á lágum hita í 10 -15 mínútur (ef tími er til)
  7. Súpan hituð að suðu – tekin af hellunni og humarinn settur út í (hægt að helminga humrana til að meira verði úr þeim) – borið strax fram
  8. Hver skál skreytt með þeyttum rjóma og persilju

Meðlæti

Nýbakað brauð t.d. Hvítlauks- og ólífubrauð, SólarhingsbrauðCiabatta eða kaupa snittubrauð ef tíminn er naumur.

Humarsoð í vinnslu

IMG_3671

Humarsúpan – gulrætur, muldir þurrkaðir sveppir, humarsoð og sekúndusteiktur humar

IMG_3864

 

Tvöföld uppskrift – soð í vinnslu

img_7711

Humarinn steiktur örstutta stund og lagður svo til hliðar

img_7710

img_7715

 

Leave a Comment

Netfang þitt verður ekki birt. Nauðsynlegir reitir eru merktir *

*