Langa - einföld og góð
Uppruni
Hef verið að prófa mig áfram með fisk og börnin á heimilinu. Þau kunna mjög vel að meta þennan einfalda og fljótlega rétt.
Forvinna
Það er hægt að steikja fiskinn, setja hann í eldfast mót og láta hann standa aðeins áður en hann er settur í ofn en ekki of lengi.
Hráefni
- 1 kg langa
- Hveiti í skál
- Smjör og olía til steikingar
- Salt /pipar
Verklýsing
- Langan skorin í bita – hveiti sett í skál og bitunum velt upp úr því
- Ofninn hitaður í 180°C
- Hellan stillt á háan hita, smjör og olía sett á pönnuna – brætt saman. Fiskbitunum skellt á pönnuna í 1-2 mínútur hvorum megin eða þangað til kominn er fallegur litur á fiskinn
- Fiskurinn settur í eldfast mót og inn í heitan ofn í 10 – 12 mínútur
- Salti og pipar stráð yfir og fiskurinn er tilbúinn
Meðlæti
Soðnar kartöflur eða Uppáhalds kúskús með grænmeti.
