Hráfæðis snickerskaka
Uppruni
Ég man ekki hvar ég fékk þessa uppskrift en góð er hún. Hef haft hana í afmælum, veislum og svo tekið hana með í göngur. Góð orkubomba sem geymist vel í kæli eða frysti.
Forvinna
Möndlurnar/hneturnar þarf að leggja í bleyti 2 – 6 klukkutímum áður.
Hráefni
Botn
- 2½ dl seasamfræ – má einnig nota hnetur
- 2½ dl kókosmjöl
- 2½ dl döðlur
Millilag
- 4 dl cashew hnetur/möndlur
- 200 g lífrænt hnetusmjör
- 60 ml hunang
- 100 ml kókosolía
Efsta lag
- Rúmlega ½ dl hunang
- Rúmlega ½ dl kakó
- Rúmlega ½ dl bráðin kókosolía
Verklýsing
Ef notaðar eru möndlur þarf að leggja þær í bleyti 6 klukkutímum áður – Cashew hnetur þarf að leggja í bleyti 2 klukkutímum áður.
Botn
- Fræ/hnetur sett í matvinnsluvél með kókosmjöli og döðlum. Ath. það getur verið nauðsynlegt að setja döðlurnar í bleyti (ef þær eru ekki mjúkar) í volgt vatn í 30 mínútur
- Þjappað saman í smelluform (25 – 26 cm) og sett í frysti/kæli í góða stund
Millilag
- Cashew hnetur/möndlur eru búnar að liggja í bleyti
- Kókosolía brædd með því að setja krukkuna í heitt vatn
- Cashewhnetur, kókósolía og hunang sett í matvinnsluvél. Hnetusmjöri bætt varlega út í
- Sett ofan á botninn og fryst/kælt í u.þ.b. 30 mínútur
Efsta lag
- Hráefni blandað saman og sett ofan á millilagið. Athuga að þar sem kakan er köld og kókosolían fljót að harðna er betra að setja lítið af blöndunni og dreifa úr henni á lítinn hluta í einu
- Sett í frysti/kæli í 1 klst
Meðlæti
Gott með smá af þeyttum rjóma og gaman að skreyta með ávöxtum en alls ekki nauðsynlegt.
