Góðir kjúklingavængir
Uppruni
Uppskriftina fann ég í sænsku blaði. Einfalt í framkvæmd og bragðgott. Skemmtileg tilbreyting.
Forvinna
Best að laga sósuna, sem borðuð er með vængjunum, eitthvað áður og láta hana standa. Hina má einnig búa til eitthvað áður.
Hráefni
- 1 kg kjúklingavængir
Sósa
- 175 g smjör
- 1 dl Sriracha Hot Chilli sósa frá Santa Maria
- 2 hvítlauksrif – pressuð
- 1 tsk sítrónusafi
- Ögn af salti
- Pipar úr piparkvörn – grófmulinn
Sósan með vængjunum
- 1 dós sýrður rjómi (eða 180 g grísk jógúrt)
- ½ dl rjómaostur
- Graslaukur – smátt saxaður
- 1-2 hvítlauksrif – pressuð
- U.þ.b. 2 tsk sítrónusafi
Verklýsing
Sósa
- Smjör brætt í potti og allt hitt hráefnið sett út í – hrært saman. Taka aðeins af sósunni og setja í skál til að hafa með vængjunum
Steiking
- Ofn hitaður í 200°C
- Kjúklingavængir penslaðir með sósunni. Vængirnir settir í heitan ofn í u.þ.b. 8 – 10 mínútur – teknir út og penslaðir aftur. Þetta er gert þrisvar. Ofninn settur á grill og vængir penslaðir enn á ný. Látnir vera í 5-10 mínútur eða þar til þeir hafa náð góðum lit (fylgjast með að þeir brenni ekki)
Sósan með vængjunum
- Allt hráefni hrært saman – gott að láta standa aðeins
Meðlæti
Báðar sósurnar bornar fram með kjúklingavængjunum.
