Einföld og góð eplakaka
Uppruni
Fékk þessa köku hjá Báru og þótti mér hún mjög góð. Þessa gömlu góðu eplaköku er einfalt og þægilegt að baka.
Hráefni
- 300 g smjör – við stofuhita
- 300 g sykur
- 3 egg
- 300 g hveiti
- 3 græn epli
- 1½ tsk lyftiduft
- U.þ.b. ½ tsk kanill
- Möndluflögur
Verklýsing
- Ofninn stilltur á 180°C (blástur)
- Sykur, smjör og egg þeytt vel saman
- Hveiti og lyftidufti blandað saman – hrært út í deigið
- Deigið sett í smelluform 25 – 26 cm með bökunarpappír í botninum
- Eplin flysjuð og rifin eða skorin í litla bita og dreift yfir deigið ásamt kanil og möndluflögum
- Bakað í u.þ.b. 55 – 60 mínútur – gott að setja álpappír yfir þegar kominn er fallegur litur á kökuna svo að hún brenni ekki
Meðlæti
Þeyttur rjómi eða ís.
Geymsla
Kökuna þarf ekki að geyma í kæli – hún má gjarnan standa úti með loki yfir.