Ofnsteiktar gulrætur með gulrótarhummus

Uppruni

Þessa uppskrift fann ég í sænsku blaði – eins og svo oft áður. Leist vel á og ákvað að prófa sem forrétt. Reyndist gott og var auk þess fallegt á borði. Hummusinn er einnig góður með brauði.

Forvinna

Hægt er að búa hummusinn til eitthvað áður – jafnvel daginn áður. Einnig er hægt að forsteikja gulræturnar.

Gulrótarhummus

1. Gulrætur flysjaðar og skornar í bita. Soðnar í léttsöltu vatni í nokkrar mínútur eða þar til bitarnir verða mjúkir (u.þ.b. 5-7 mínútur)
2. Bitarnir teknir úr vatninu og settir í matvinnsluvél
3. Afgangi af hráefninu bætt við og maukað
4. Pipar og salti stráð yfir – smakkað til

Gulrætur

5. Ofninn hitaður í 200°C
6. Gulrætur skolaðar og það mesta skrapað af með hnífi. Þeim er síðan raðað í ofnskúffu (með bökunarpappír) og olíu hellt yfir. Bakað í 20 – 25 mínútur. Hægt að taka úr ofninum eftir 20 mínútur og setja svo aftur inn rétt áður en rétturinn er borinn fram
7. Sólblómafræ ristuð á pönnu og rósmarín bætt við þegar slökkt hefur verið á hellunni
8. Gulræturnar teknar úr ofninum og sólblómafræblöndunni stráð yfir ásamt salti
9. Gaman að bera gulræturnar fram á heitum steini – þá haldast þær heitar. Tilvalið að klippa litla búta af bökunarpappír, leggja gulrótina í og láta sólblómafræin fylgja með – svolítið eins og að borða pylsu í brauði.