Sítrónusmjör - Lemon Curd
Uppruni
Þessa uppskrift fann ég á netinu fyrir löngu síðan en ég hef breytt henni eitthvað. Sítrónusmjör má nota í eftirrétti, á marengskökur, innan í rúllutertu, á vöffluna eða ofan á ristað brauð. Það er algjör óþarfi að kaupa tilbúið sítrónusmjör þar sem það er einfalt að búa þetta til…. og enn þá betra ef notaðar eru lífrænar sítrónur
Hráefni
- 1,5 dl sykur
- 2 egg
- 2 lífrænar sítrónur – börkurinn rifinn
- U.þ.b. 1 dl ferskur sítrónusafi (safinn úr sítrónunum)
- 50 g smjör
Verklýsing
- Sykur, egg, sítrónubörkur og sítrónusafi sett í pott. Hrært stöðugt í með þeytara á meðalhita þar til blandan fer að þykkna
- Þegar blandan er orðin þykk – svipuð og bearnaisesósa – er hún tekin af hitanum og smjörinu bætt við – hrært
- Þegar smjörið hefur bráðnað og blandast saman við er sítrónusmjörið sett í glerkrukku með loki og sett í kæli. Geymist a.m.k. í viku í kælinum – jafnvel lengur