Fljótleg og góð eplakaka
Uppruni
Þessi uppskrift kemur úr gamalli bók en hún hefur aðeins tekið breytingum með árunum – alltaf vinsæl og sérstaklega auðvelt að baka.
Hráefni
- 120 – 130 g marsipan
- 1 eggjahvíta
- 2 egg
- Rúmlega 1 dl sykur
- ¾ dl matarolía
- 1½ dl hveiti
- 1 tsk lyftiduft
- 300 – 350 g epli – helst græn
- 3 msk sykur (blandað saman við eplin)
- 1 msk kartöflumjöl (blandað saman við eplin)
Verklýsing
- Ofninn hitaður í 175°C (yfir- og undirhiti)
- Eggjahvíta stífþeytt og marsipan rifið – blandað saman í skál og lagt til hliðar (Ekki er nauðsynlegt að þvo skálina og þeytarann eftir eggjahvítuna)
- Egg og sykur þeytt saman. Olíu hellt út í – þeytt. Lyftidufti og hveiti bætt við – blandað saman með sleikju
- Deigið sett í 23 cm smelluform í þvermál. Ágætt að setja bökunarpappír í botninn
- Epli afhýdd og rifin. Sykri og kartöflumjöli blandað saman við eplin og dreift yfir deigið
- Eggjahvítu og marsipani dreift yfir kökuna
- Bakað í 45 – 60 mínútur. Láta álpappír yfir kökuna ef hún verður of dökk
Meðlæti
Borið fram með þeyttum rjóma eða ís.
Geymsla
Góð daginn eftir.