Baby-Ruth kaka
Uppruni
Þessi uppskrift kemur frá mömmu eins og svo margt annað. Hún minnir svolítið á Snickers.
Forvinna
Kökuna má gjarnan baka daginn áður – hún er betri þá og enn þá betri tveggja daga gömul – beint úr ísskápnum.
Hráefni
Botn
- 4 eggjahvítur
- 4 dl sykur
- 28 stk Ritz-kex
- 250 g salthnetur
- 1 tsk lyftiduft
Krem
- 4 eggjarauður
- 100 g flórsykur
- 100 g suðusúkkulaði
- 100 g smjör
Verklýsing
Botn
- Ofninn hitaður í 175°C (blástur)
- Eggjahvítur og sykur stífþeytt saman
- Ritz-kex mulið, salthnetur saxaðar – blandað saman og lyftiduft hrært út í
- Sett í springform (26 cm) – gott að setja bökunarpappír í botninn
- Bakað í 30-40 mínútur og sett beint í plastpoka (ágætt að setja fyrst viskustykki yfir kökuna og síðan í plastpoka – þá bráðnar hann síður)
Krem
- Eggjarauður og flórsykur þeytt saman – þar til hræran verður ljós og létt
- Súkkulaði og smjör brætt í vatnsbaði (skál yfir pott með vatni). Gæta þess að vatnið sjóði ekki – betra að bræða á vægum hita
- Súkkulaðblandan látin kólna og sett út í eggjarauðurnar – blandað saman (ef súkkulaðblandan er of heit þegar henni er blandað við eggjarauðurnar getur kremið orðið kornótt)
- Kakan sett á kökudisk og botninn látinn snúa upp (slétta hliðin) – kreminu smurt á og leyft að renna niður með hliðinni.
- Kakan er svolítið laus í sér alveg nýbökuð – best að búa hana til daginn áður og geyma í kæli. Fallegt að skreyta með salthnetum
Meðlæti
Borin fram með þeyttum rjóma.
Slétta hliðin látin snúa upp
