Súkkulaðisnúðar
Uppruni
Þessa ágætu uppskrift fann ég í sænsku blaði. Falleg áferð á snúðunum og skemmtileg tilbreyting frá Heimsins bestu snúðum (sjá – Bakstur) þó að fátt toppi þá.
Forvinna
Fínt að baka þá við tækifæri og stinga þeim í frystinn.
Hráefni
Hráefni
Deig
- 11 g þurrger
- 2½ dl mjólk
- 2 egg (hef stundum bara notað eggjarauðurnar – hvíturnar fara í súkkulaðifyllinguna)
- 1 dl sykur
- 10 dl hveiti
- ½ tsk salt
- 100 g smjör
Súkkulaðifylling
- 100 g súðusúkkulaði
- Rúmlega 1 dl sykur
- 1 dl hveiti
- 1 dl kakó
- 2 eggjahvítur
- 1½ dl mjólk
- Örlítið salt
- 50 g smjör (hef stundum gleymt smjörinu og virðist það ekki skipta máli)
Verklýsing
Deig
- Smjör sett í pott og brætt – mjólk bætt við – hiti á að vera sem næst 37°C (Gerbakstur – góð ráð)
- Ger, salt og sykur sett í skál. Mjólkurblandan sett út í – blandað saman
- Hveiti bætt við – hnoðað
- Viskustykki sett yfir – látið hefast í u.þ.b. 2 klukkutíma eða þar til deigið hefur tvöfaldast
Súkkulaðifylling
- Súkkulaði saxað
- Hveiti, sykri, kakó og eggjahvítum blandað saman í skál
- Mjólk hituð að suðu og hellt yfir skálina – hrært saman þar til blandan er laus við kekki
- Blöndunni hellt í pott og hituð þar til hún er orðin þykk – mikilvægt að hræra vel í á meðan
- Salt, smjör og súkkulaði sett í pottinn – hrært saman þar til smjörið og súkkulaðið hefur bráðnað – sett í skál og látið kólna
- Súkkulaðiblandan smurð á tvær plastfilmur (20×15 cm) og sett í frysti þar til hún harðnar
Samsetning
- Deiginu er skipt í tvennt og annar hlutinn flattur út. Önnur súkkulaðiplatan pökkuð inn í deigið og flatt aftur út – sjá myndir fyrir neðan
- Deigið rúllað upp og hlutað í 12 jafna bita – til að bitarnir verða sem jafnastir er gott að skipta þeim fyrst í tvennt – hverjum helming er svo skipt í þrennt og svo aftur í tvennt. Sjá mynd. Sama gert við hinn helminginn af deiginu
- Snúðarnir lagðir í ofnskúffur með bökunarpappír og látnir hefast í ½ – 1 klukkustund með viskustykki ofan á
- Ofninn hitaður í 180°C
- Bakað í 15-20 mínútur og snúðarnir látnir kólna á grind
Geymsla
Geymist vel í frysti.