Múslí með kakói
Uppruni
Fékk þessa uppskrift hjá Gerðu vinkonu minni. Hún tók þetta múslí með sér í göngu eitt árið og nutum við hinar góðs af því.
Hráefni
- 5 dl hafrar
- 3 dl kókosmjöl
- 1 dl hörfræ – mulin í kaffikvörn eða matvinnsluvél
- 1 dl kakó
- 1 dl hlynsíróp
- ½ dl kókosflögur
- ¼ tsk himalayasalt
Verklýsing
- Ofninn hitaður – val eftir því hvort um er að ræða hæga eldun eða hraða
- Öllu blandað saman, sett í eldfast mót eða ofnskúffu og síðan í ofninn
- Hæg eldun – ofninn hitaður rétt undir 50°C (46°C). Látið vera í ofninum í 3-4 klukkutíma (hræra í öðru hvoru). Hröð eldun – ofninn hitaður í 150°C (yfir- og undirhiti). Látið vera í ofninum í 30 mínútur og passa að hræra í 3 – 4 sinnum
Meðlæti
Passar vel með Ab-mjólk eða súrmjólk og ávöxtum. Einnig gott að blanda saman við fleiri tegundir af morgunkornum (sjá – Morgunmatur).
