Ofnsteiktir, kartöflubátar og gulrætur
Uppruni
Mamma býr oft til þennan kartöflurétt með lambalærinu. Þetta er sérstaklega einfalt og gott.
Forvinna
Hægt að forvinna allt. Sett aftur í ofninn rétt fyrir matinn.
Hráefni
- 14-16 kartöflur
- 3-4 gulrætur
- Olía
- Salt og pipar
Verklýsing
- Ofninn hitaður í 225°C
- Kartöflur og gulrætur hreinsaðar og flysjaðar ef með þarf
- Kartöflur skornar í báta og gulrætur í bita
- Olía sett í plastpoka – kartöflur og gulrætur settar ofan í og hrist
- Kartölfum og gulrótum hellt í ofnskúffu – saltað og piprað
- Sett í ofn og stillt á 15 mínútur
- Tekið út og látið bíða aðeins – hært í – hrist og losað vel frá botninum
- Sett aftur inn og stillt á 15 mínútur
- Tekið út og látið standa – rótað aðeins í. Gott að smakka til að athuga hvort allt sé steikt í gegn. Beðið þar til 10 mínútur eru í matinn – lækka hitann í ca. 175°C – sett aftur inn svo að kartöflurnar og gulræturnar hitni í gegn. Fylgjast með að ekki brenni
Á vel við
Lambalæri og hvers kyns grillmat.