Pasta með hvítu sósunni
Uppruni
Pasta með hvítu sósunni er uppskrift frá mömmu og er það heimatilbúinn afgangamatur. Rétturinn hefur alltaf gengið undir þessu nafni og er hann í miklu uppáhaldi hjá yngstu kynslóðinni. Það er aldrei það sama í sósunni en markmiðið er að nýta osta, álegg og mjólk sem eru á síðasta snúningi í ísskápnum.
Hráefni
- Olía
- Tæplega 1 dl hveiti
- U.þ.b. 5 dl mjólk
- Ostar eins og rjómaostur, endar af brauðosti, piparostur eða það sem leynist í ísskápnum
- Skinka eða pepperóni – (ekki nauðsynlegt)
- 2 – 3 msk Italian seasoning
- 1 poki pasta u.þ.b. 500 g
- Parmesanostur
Verklýsing
- Botnfylli af olíu ásamt hveiti sett í pott – hrært á meðalhita (ef blandan er þurr þá er olíu bætt við)
- Mjólk hrært saman við með pískara upp að suðu (mikilvægt að sósan nái suðu til að hveitibragðið hverfi)
- Osta- og áleggsafgöngum bætt við
- Italian seasoning hrært saman við – gott að hafa nóg af því
- Pasta soðið
- Rifinn parmesanostur settur yfir