Frábær karamellusósa
Uppruni
Þessa uppskrift fann ég á netinu en er búin að breyta henni aðeins. Man því miður ekki alveg hvar en hún er mjög góð.
Hráefni
- 2½ dl sykur
- 1 dl vatn
- 1½ dl rjómi eða matreiðslurjómi
- ½ tsk salt
- 1 tsk vanilluessen
- Smjörklípa
Verklýsing
- Blanda saman rjóma, salti og vanilluessen í skál/könnu
- Sykur og vatn sett í pott – hrært saman
- Hitað upp og haft á meðalhita – passa að láta ekki sjóða um of. Mikilvægt að hræra ekki í á meðan soðið er – tekur u.þ.b. 15-20 mínútur eða þangað til liturinn er orðinn gullinbrúnn
- Ekki hefur gefið góða raun að stoppa suðuna og halda áfram síðar. Best að fylgjast vel með suðunni
- Þegar sykurblandan er orðin gullinbrún er potturinn tekinn af hellunni og rjómablöndunni hellt í – þá getur myndast mikil suða – hræra rólega þar til blandan verður slétt. Má hafa á mjög lágum hita
- Smjörklípa sett í karamellublönduna í lokin – blandað saman við
Meðlæti
Karamellusósan er frábær með ís og ofan á súkkulaðiköku eða til að nota í frappoccino.
Ath: Ekki hræra í sósunni á meðan sykurinn er að dökkna – mikilvægt að fylgjast vel með þegar hann byrjar að dökkna- það gerist hratt og sykurblandan má ekki verða of dökk
Hrært þar til blandan verður slétt og fín – má setja á helluna aftur á lágum hita
Upplagt að geyma í krukku í kæli – geymist vel í nokkra daga