Himnesk fiskisúpa
Uppruni
Þessi uppskrift kemur frá Frú Sigríði.
Forvinna
Liður 1. – 3. í Verklýsingu.
Hráefni
- 1 saxaður laukur
- 1-2 selleristönglar í bitum
- 2 gulrætur
- Gul papríka
- 1 l fiskisoð (teningar eða Oscar)
- 1 dós saxaðir tómatar/krukka af lífrænum tómötum
- 1 Camenbert ostur – skorinn í bita
- 100 g rjómaostur/humarostur
- ¼ l rjómi
- 1 dl hvítvín/mysa
- 600 g fiskur (lúða, þorskur, blálanga, lax, skelfiskur eða hvað sem er)
- Salt og nýmalaður pipar
- Olía til steikingar
Verklýsing
- Laukur og niðurskorið grænmeti látið krauma í olíu
- Fiskisoð og tómatar sett út í og soðið í 15 – 20 mínútur. Fiskurinn skorinn í bita og salti stráð yfir
- Osturinn settur út í og slökkt undir pottinum. Látið standa í ½-1 klst. eða lengur – jafnvel yfir nótt. Hýðið af ostinum fjarlægt
- Rjóma og hvítvíni/mysu hellt út í og suðan látin koma upp
- Fiskurinn látinn sjóða í súpunni í örskamma stund. Pipar stráð yfir í lokin
Meðlæti
Nýbakað brauð.
Ath. Þessi súpa er alltaf betri daginn eftir.
