Saltkjötsbollur
Uppruni
Þessi uppskrift kemur frá tengdafjölskyldu minni. Salkjötsbollur voru spari-hversdagsmatur heima hjá Frú Sigríði í Páls Briemsgötu á sínum tíma. Þá byrjaði uppskriftin svona: Salkjöt lagt í bleyti yfir nótt. Nú förum við í Fjarðarkaup og kaupum hakkið tilbúið.
Hráefni
Bollur
- 1 kg hakkað saltkjöt (Til þess að draga aðeins úr óhollustunni breytir engu að skipta út 300 g af kjötinu fyrir 300 g af nýju kindahakki)
- 400 g hráar kartöflur – flysjaðar ef með þarf
- 300 g laukur
- 3 msk (kúfaðar) hveiti
- 2 msk (kúfaðar) kartöflumjöl
- Olía til steikingar
Sósa
- Vatn, kjötkrafur (nauta)
- Sósulitur
- Hveitihristingur og salt ef með þarf
Verklýsing
Bollur
- Skál með sigti er sett undir hakkavélina. Kartöflur og laukur skorið í bita og hakkað
- Hvolft úr sigtinu (vökvinn í skálinni skilinn eftir) í hrærivélarskálina. Þá tekur hnoðarinn við og hnoðar þessu saman við kjötið í dágóða stund eða þar til hræran er orðin þétt og einlit
- Hveiti og kartöflumjöl sett út í – ein msk. í senn og hnoðað á milli
- Bollurnar mótaðar með djúpri súpuskeið og lófanum og steiktar í olíu á meðalhita þar til þær verða fallega brúnar (ágætt að dýfa skeiðinni í vatn annað slagið)
- Vatn, kjötkraftur (hálfur teningur) og sósulitur sett í pott og bollurnar út í (vatnið nær aðeins yfir). Látið sjóða í 3 mínútur
- Má standa góða stund – bollurnar settar í skál
Sósa
- Mátulegt magn af vatni fyrir sósuna skilið eftir í pottinum og suðan látin koma upp
- Hveitihristingi hellt út í þar til sósan verður nægilega þykk
- Smakkað til með salti og hresst upp á litinn ef þurfa þykir
Meðlæti
Borið fram með soðnum kartöflum, salati og rauðri sultu t.d. rifs- eða jarðarberjasultu.
Geymsla
Bollurnar geymast ágætlega í kæli í 2-3 daga.
Sósan í vinnslu
