Spínatvöfflur með lax og piparrótarsósu
Uppruni
Uppskriftina fann ég á sænskri netsíðu. Hef boðið upp á réttinn bæði sem smárétt og forrétt. Vöfflurnar eru líka mjög góðar einar og sér og upplagt að rista þær daginn eftir.
Hráefni
Vöfflur
- 100 g smjör
- 225 g fínmalað spelt (4 dl)
- 150 g fryst spínat
- 2 tsk lyftiduft
- ½ tsk gróft salt
- 2 egg
- 4½ dl mjólk
Sósa
- 2½ dl grísk jógúrt eða sýrður rjómi
- 1 grófsaxað epli
- 2 msk rifin piparrót
- ¼ tsk grófar saltflögur
Skraut
- Ferskt dill
- Grófmalaður pipar
- Reyktur lax – skorinn í sneiðar
Verklýsing
Vöfflur
- Spínatið látið þiðna og vatnið kreist úr. Hakkað fínt
- Smjör brætt
- Spelt, salt og lyftiduft blandað saman. Egg og mjólk sett út í og hrært saman
- Spínati og smjöri bætt við og blandað vel saman
- Vöfflurnar bakaðar
Sósa
- Niðurskorið epli og rifin piparrót sett út í sýrðan rjóma – hrært
- Gott að láta sósuna standa í smá tíma áður en hún er borin fram
Skraut
- Laxasneið sett á hvert vöfflulauf ásamt piparrótarsósu
- Skreytt með dilli og muldum pipar
- Vöfflurnar eru bestar nýbakaðar en alltaf er hægt að velgja þær í ofni ef með þarf – lax og sósa síðan sett á
Geymsla
Deigið geymist vel í kæli. Fínt að velgja vöfflurnar í brauðristinni daginn eftir.
