Sænskt þunnbrauð - hrökkbrauð
Uppruni
Um hver jól bakar mamma þessi þunnbrauð og eru þau ómissandi á jólaborðið. Þau eru mjög góð með sænskri jólaskinku og dijonsinnepi. Einnig eru þau góð með smjöri og osti eða ein og sér.
Hráefni
- 5 dl mjólk
- 50 g ger (eða 1 bréf þurrger ca. 12 g)
- 2 tsk salt
- 3½ dl (200 g) rúgsikti (50% rúgmjöl og 50% hveiti – sigtað saman með grófu sigti)
- 3½ dl (200 g) íslenskt byggmjöl
- 3 dl hveiti
- U. þ.b. 4 dl hveiti til viðbótar þegar flatt er út
Verklýsing
- Mjólk hituð í 37°C. Ger sett í skál og örlitlið af mjólk sett út í til að leysa gerið upp
- Það sem eftir er af mjólkinni er sett í skálina ásamt salti, rúgsikti, byggmjöli og hveiti – hnoðað saman
- Rúllað í smábollur sem eru á stærð við egg eða u.þ.b. 50 g
- Bollurnar látnar hefast í 30 mínútur – klútur lagður yfir
- Ofninn hitaður í 250°C
- Hver kúla er flött út í miklu hveiti – u.þ.b. 2 mm þykkt. Eftir það er notað takkakefli. Það getur verið gott að pikka hvert þunnbrauð með gaffli áður en það fer í ofninn (þá koma síður loftbólur)
- Lagt á heita ofnplötu og bakað í 2 – 3½ mínútur í næst efstu rim í ofninum
Geymsla
Geymist mjög vel.
