Djúpsteikt ostakaka

Djúpsteikt ostakaka

Skemmtileg tilbreyting á ostaköku

  • Skammtar: 7 - 12 (½ - 1 tortilla á mann)
  • Erfiðleikastig: meðal
  • Prenta

Uppruni

Um daginn fór ég á veitingastað erlendis þar sem ég fékk djúpsteikta ostaköku og fannst hún alveg þrusugóð.  Þegar heim er komið langar mig oft að prófa mig áfram með réttina sem ég gæði mér á og er þetta afraksturinn.  Einfaldur réttur en eins og svo oft áður þá er frekar einfalt að djúpsteikja á pönnu þegar maður kemst upp á lagið.  Mér finnst gott að hafa fersk jarðarber innan í ostakökunni en ekki eru allir sammála um það á heimilinu þannig að ég bý til báðar útgáfur.

Hráefni

  • 1 dl sykur
  • 1 msk kanill
  • 7 – 8 tortillur
  • Sólblómaolía eða repjuolía (eða sambland af báðum)

 

Fylling

  • 400 g rjómaostur
  • 1 dl grísk jógúrt (má sleppa)
  • 1 dl sykur
  • 1 tsk vanillusykur
  • 1 tsk sítrónubörkur (af lífrænni sítrónu)
  • Safi úr 1 sítrónu
  • Jarðarber – skorin í sneiðar (má sleppa)

Verklýsing

  1. Allt hráefni í fyllingunni hrært saman nema jarðarberjum (má sleppa).  Jarðarberjum blandað varlega saman við í lokin með sleikju
  2. Fylling sett í tortillu og hún rúlluð upp og lokuð á endunum – sjá myndband. Gott að pensla endana á tortillunni  með vatni – þá festist hún betur saman
  3. Kanil og sykri blandað saman í víðri skál
  4. Olía hituð á pönnu – alls ekki mikið magn
  5. Tortillurúllan sett á pönnuna og steikt þar til fallegur litur kemur á hana. Þá er henni snúið varlega við og steikt á hinni hliðinni
  6. Tortillan tekin upp úr og henni velt í kanilsykrinum og borið fram
  7. Gott með þeyttum rjóma eða ís

 

Leave a Comment

Netfang þitt verður ekki birt. Nauðsynlegir reitir eru merktir *

*