Lambasteikur með sælkerblöndu
Uppruni
Þessa uppskrift fann ég í blaði fyrir mörgum árum og er þetta hinn besti réttur. Hef notað hann bæði í matarboðum og í stórveislu.
Forvinna
Til að flýta fyrir er gott að skera lambasteikurnar niður áður og banka.
Hráefni
- 800 g lambafille – skorið í 3 cm þykkar steikur
- Salt og nýmalaður pipar
- Olía
Sælkerblanda
- 1 msk olía
- 3 msk gott hunang
- 3 msk ferskt óreganó – smátt saxað (3 tsk þurrkað óreganó)
- 2 msk steinselja – smátt söxuð
- 2 hvítlauksgeirar – pressaðir
- 1 msk ysta lagið af sítrónuberki – rifið
- 1 msk sítrónusafi
- 2 msk rasp
Verklýsing
- Banka lambasteikur með buffhamri þannig að þær verði u.þ.b. 1,5-2 cm þykkar
- Sælkerblanda: Blanda saman olíu, hunangi, óreganó, steinselju, hvítlauk, sítrónuberki og sítrónusafa í skál
- Krydda lambasteikurnar með salti og pipar. Grillað á heitu grilli (eða steikt í olíu á vel heitri pönnu) í 30-50 sek. á hvorri hlið eða þar til þær verða fallega brúnar
- Setjið lambasteikurnar í ofnskúffu
- Penslið steikurnar með blöndunni, stráið raspi yfir og bakið við 180°C í 3-5 mínútur
Meðlæti
Byggsalati passar mjög vel með þessum rétti ásamt fersku salati. Einnig er hægt að nota kartöfluskífur eða strimla.
Eldað á grilli
Eldað á pönnu
