Schwarzwaldterta
Uppruni
Ein af þeim kökuuppskriftum sem mamma tók með sér frá Svíþjóð forðum daga var hin þýskættaða Schwarzwaldsterta og hefur hún bakað hana í gegnum tíðina. Í minningunni þótti mér mikið koma til þessarar súkkulaðiskógartertu. Tertan er bæði góð og falleg á borði og ekki spillir fyrir að .
Forvinna
Hnetubotnana er hægt að gera nokkrum dögum áður og geyma í kæli.
Hráefni
Hnetubotnar:
- 3 dl heslihnetur
- 2½ dl flórsykur
- 3-4 eggjahvítur
Fylling og samsetning:
- 5 dl rjómi
- 2 tsk vanillusykur
- 2-3 msk sherrý
- 100 g suðusúkkulaði
- Kakó
Verklýsing
Hnetubotnar:
- Heslihnetur afhýddar með því að setja þær inn í 220°C heitan ofn. Þegar hýðið fer að losna eru þær settar í klút og það nuddað af
- Hneturnar malaðar eða rifnar og blandað saman við flórsykurinn
- Eggjahvítur þeyttar vel og hnetublöndunni blandað varlega saman við með sleikju
- Hringlaga botn, þvermál ca. 25 cm, er teiknaður á bökunarpappír. 3-4 botnar
- Strokið er með köldu smjöri á pappírinn og blöndunni síðan smurt á botnana eða sett í rjómasprautu og sprautað á
- Bakað við 150°C í 12-15 mínútur
Fylling og samsetning:
- Rjómi og vanillusykur þeytt saman
- Blandan er sett á milli botnanna og ofan á, sherrýinu dreift með skeið á botnana jafnóðum
- Rjóma er einnig smurt á kant tertunnar
- Plast breitt yfir og látið standa í ísskáp í nokkra tíma eða yfir nótt
- Suðusúkkulaði er brætt við vægan hita í vatnsbaði og síðan smurt á bökunarpappír
- Sett í ísskáp í 5-10 mínutur – þá er hægt að skera tígla í súkkulaðið
- Sett aftur í ísskáp og látið kólna vel og harðna
- Tíglunum er raðað ofan á tertuna og allt í kring. Kakó sigtað yfir
Geymsla
Það er gott að láta kökuna standa yfir nótt til að sherrýið nái að bleyta aðeins botnana. Kakan geymist í nokkra daga í kæli.
