Oreo ostakaka með karamellusósu

Oreo ostakaka með karamellusósu

Oreo ostakaka með karamellusósu

  • Servings: u.þ.b. 10
  • Tími: 2 klukkustundir + þarf að standa í kæli yfir nótt
  • Difficulty: meðal
  • Prenta

Uppruni

Þessi uppskrift er heimatilbúin og samstarfsverkefni mitt og oreodömunnar á heimilinu.  Ég get ekki sagt að ég sé mjög hrifin af Oreokexi en lét til leiðast að reyna að baka ostaköku með oreokexi í botninum.  Kakan heppnaðist bara ágætlega og var ljúffeng.  Það má alveg útfæra hana á annan hátt og sleppa karamellusósunni og hnetunum. Þá er hægt að þeyta rjóma og blanda muldu Oreokexi saman við  – sprauta rjómatoppum ofan á og skreyta með Oreokexkökum.

Forvinna

Best er að baka kökuna daginn áður en svona upp á fínheitin þá er hún fallegust þegar karamellusósan er nýkomin yfir.

Hráefni

Botn

  • 2 pakkar dökkt oreokex (taka kremið af)
  • 80 g smjör – brætt

Fylling

  • 400 g rjómaostur (Philadelphia) – við stofuhita
  • 2 dl sýrður rjómi – við stofuhita
  • 4 egg – við stofuhita
  • ½ tsk salt
  • 2 tsk vanillusykur
  • Kremið úr kexinu
  • 1 dl sykur

Karamella

 

Verklýsing

Botn

  1. Kremið skafið af kexinu og sett til hliðar
  2. Kexið er mulið í matvinnsluvél eða í morteli
  3. Smjör brætt og blandað saman við mulninginn. Bökunarpappír settur í botninn á 22 – 23 cm bökunarformi og mulningnum dreift jafnt á botn og hliðarnar.  Best að nota fingurna til að þjappa mulningnum vel saman.  Geymt í kæli á meðan fyllingin er útbúin

Fylling

  1. Ofninn hitaður í 160°C (yfir- og undirhiti)
  2. Rjómaostur, kremið úr kexinu, sykur og sýrður rjómi – hrært saman
  3. Eggi bætt við einu í einu og því næst vanillusykri. Allt hrært saman þar til blandan verður slétt og fín. Sett í bökuformið yfir kexmulninginn
  4. Bakað í ofni í rúma klukkustund (u.þ.b. 65 – 70 mínútur) – gott að láta kökuna kólna á grind og síðan er hún sett inn í kæli í nokkrar klukkustundir eða yfir nótt.  Stundum myndast sprunga í kökuna en hana má fela með hnetumulningi og karamellusósunni

 

Karamella – sett á samdægurs

  1. Karamella – hana má búa til daginn áður eða nokkrum dögum áður og geyma í krukku í kæli. Áður en hún er sett yfir kökuna er betra að velgja hana aðeins en samt ekki of mikið.  Ef notuð er uppskriftin frábær karamellusósa nægir að nota hálfa uppskriftina
  2. Hnetum stráð yfir hugsanlegar sprungur sem hafa myndast í kökunni. Karamellusósu hellt yfir og skreytt með jarðhnetum.  Þegar kakan er geymd í kæli þarf ekki að setja plast yfir hana

Geymsla

Kakan geymist vel í nokkra daga í kæli.

Botninn 

Fyllingin 

 

Fyrir og eftir bakstur

Sprunga hefur myndast yfir nóttina

 

Hnetum dreift vel yfir sprunguna og karamellusósu hellt yfir

 

 

 

Leave a Comment

Netfang þitt verður ekki birt. Nauðsynlegir reitir eru merktir *

*