Hummus með hnetublöndu
Uppruni
Sá þennan hummus búinn til í breskum sjónvarpsþætti – þurfti að giska mikið á magnið en finnst þessi útkoma vera góð. Mjög gott með nýbökuðu brauði, grænmetisbitum, kexi eða hrökkbrauði. Gott hrökkbrauð á sérstaklega vel við þennan hummus.
Hráefni
Hummus
- 200 – 250 g gulrætur (1 msk af olíu hellt yfir )
- 1½ dl kjúklingabaunir – niðursoðnar
- 2 msk tahini
- ½ tsk kóríander
- ½ tsk Herbs de provense
- 1 – 2 hvítlauksrif
- ¼ tsk chiliflögur
- 1½ – 2 dl fersk mynta
- ½ tsk cumin
- U.þ.b. ½ tsk sítrónubörkur – rifinn fínt
- U.þ.b. ½ tsk sítrónusafi
- 3 – 4 msk olía
Hnetumix
- ¼ dl möndlur
- ¼ dl pistasíuhnetur
- Tæplega 1 dl blanda af fræjum – sólblómfræ, graskerafræ, sesamfræ
- ¼ tsk cumin
- ¼ tsk kóríander
Verklýsing
Hummus
- Ofninn hitaður í 180°C – gulrætur skornar niður og olíu hellt yfir. Sett í ofnskúffu – bakað í u.þ.b. 15 – 20 mínútur (fer eftir stærð bitana)
- Gulrætur og annað hráefni maukað saman í matvinnsluvél
Hnetumix
- Möndlur settar á heita pönnu og ristaðar, pistasíuhnetum bætt við og fræblöndunni í lokin. Hræra vel (eða hreyfa pönnuna) þannig að ekki brenni heldur fá fallegan lit
- Allt hráefni sett í mortel og mulið aðeins saman – bara gróft
Samsetning
- Hummusinn settur í botn á skál og hnetublandan sett yfir. Skemmtilegt að stinga fersku grænmeti ofan í til skrauts
Gott með
Brauði, grænmeti eða kexi.
Geymsla
Hummusinn geymist vel í kæli – hann er ekki síðri daginn eftir.