Chili con carne - einfalt og gott
Uppruni
Fékk þennan rétt hjá Ingibjörgu um daginn og fannst hann mjög góður. Prófaði hann hér heima við góðar undirtektir. Þægilegur réttur sem auðvelt er að reiða fram – það er líka allt í lagi þó að allt hráefnið sé ekki til. Þá er bara um að gera að nota hugmyndaflugið.
Hráefni
- 1,2 kg nautahakk (tveir bakkar)
- 2 flöskur/dósir niðurskornir tómatar (2 x 425 g)
- 2 msk ólífuolía
- 1 msk smjör
- 2 laukar – saxaðir smátt
- 3 – 5 hvítlauksrif – söxuð fínt eða pressuð
- 4 – 5 gulrætur – skornar í litla bita (má sleppa)
- 2 tsk paprikukrydd
- 1 tsk cumin
- ¼ tsk kanill
- 1 tsk sambal olak
- 2 msk balsamik edik
- 1 msk jalapeno – saxað smátt
- Ögn af cayenpipar (má sleppa)
- Ögn af chilipipar (má sleppa)
- 1 dós kjúklingabaunir (350 g – vatnið láta renna af og þær skolaðar)
- 1 dós bakaðar baunir og/eða nýrnabaunir (350g)
- 2 dl maísbaunir (má sleppa)
- Salt og pipar
- Ferskt kóríander – saxað smátt (eða 1 tsk steytt kóríander)
- 1 box kirsuberjatómatar – skornir í tvennt
- 1/2 – 1 tsk kakó
- 2 tsk púðursykur eða hunang
Verklýsing
- Hakk steikt á pönnu (í lagi að steikja á þurri pönnu) á meðalhita og sett í pott. Niðurskornum tómötum bætt við – látið malla á lágum hita
- Kryddi bætt saman við ásamt baunum – hrært saman
- Olía og smjör hitað á pönnu – laukur, hvítlaukur og gulrætur steikt á meðalhita (ekki of háan) á pönnunni – látið malla. Þegar laukurinn er orðinn glær er þessu bætt við hakkið í pottinum
- Ferskir tómatar og kóríander sett út í
- Piprað og saltað. Sætu bætt við. Gott að láta kássuna malla
Meðlæti
- 2 – 3 avókadó – skorið í bita og blandað saman við sítrónu eða lime
- 1 – 1½ dós sýrður rjómi
- Ferskt kóríander – saxað
- Nachos
- Salatblöð
- Soðin hrísgrjón
