Eggjahræra með reyktum laxi og kapersmajónesi
Uppruni
Þennan rétt finnst mér gaman að bera fram þegar við erum með ,,brunch“ – hann er bæði góður og fallegur.
Hráefni
- 5 – 6 egg
- 2 – 3 msk undarenna eða mjólk
- Ögn af smjöri
- 2 msk graslaukur – saxaður
- Saltflögur
- Pipar
- 100 – 120 g reyktur lax – skorinn í litla bita
- 1 – 1½ dl gúrka – kjarnhreinsuð og söxuð
- 1 – 1½ msk saxaður skarlottulaukur eða laukur
- 1 msk graslaukur – saxaður
- ½ tsk sítrónubörkur – rifinn fínt
Sósa
- ½ dl majónes
- ½ dl sýrður rjómi
- 2 msk kapers – saxað fínt
Verklýsing
- Egg, mjólk, graslaukur og salt – pískað saman
- Smjörið brætt og eggjablandan steikt á pönnunni – hrært í
- Laukur, gúrka, graslaukur og lax blandað saman í skál – dreift yfir eggjahræruna þegar hún er bökuð
Sósa
- Allt hráefni hrært saman. Sósan sett á miðja eggjahræruna – ofan á laxahræruna. Einnig er gott að bera sósuna fram með í skál