Ljúffengur lax með engiferkryddblöndu og stöppuðum dillkartöflum

Ljúffengur lax með engiferkryddblöndu og stöppuðum dillkartöflum

Ljúffengur lax með engiferkryddblöndu og stöppuðum dillkartöflum

  • Servings: 5 - 6
  • Tími: 1 klukkustund
  • Difficulty: meðal
  • Prenta

Uppruni

Uppskriftin er sambland úr nokkrum uppskriftum. Mér finnst kryddblandan góð á lax en ég kaupi líka bleikjuflök ef þau eru til.  Þetta er frábær blanda sem er tiltölulega fljótlegt að útbúa t.d. ef halda á matarboð með stuttum fyrirvara eða bara þegar á að elda góðan mat og tíminn er naumur. Kalda kryddsósan er mjög góð með en ekki nauðsynleg.

 

Hráefni

Lax með engiferkryddblöndu

  • 1 kg laxaflak og/eða bleikjuflök
  • Börkur af lífrænni límónu – rifinn fínt
  • 2 – 3 msk olía
  • 1½ – 2 msk fersk mynta – söxuð
  • 1¼ msk engifer – rifið fínt
  • 1½ – 2 tsk saltflögur

 

Stappaðar kartöflur með dilli

  • 700 – 800 g kartöflur
  • 70 g smjör
  • 1 tsk saltflögur
  • 2 – 3 tsk þurrkað dill eða 3 msk saxað ferskt dill

Köld kryddsósa

  • 1 dós sýrður rjómi
  • 1 dl rjómaostur
  • ½ dl fersk steinselja – söxuð
  • ½ dl graslaukur – saxaður
  • Ögn af sojasósu
  • Saltflögur og nýmalaður pipar

Verklýsing

Lax með engiferkryddblöndu

  1. Olíu, myntu, engiferi og fínrifnum límónuberki blandað saman í skál. Laxinn lagður á bakka, saltaður og kryddblöndunni dreift yfir. Grillað í u.þ.b 10 – 15 mínútur eða þar til að hann er nokkurn veginn tilbúinn.  Eldunartíminn er háður stærð flaksins/bitanna en einnig er smekksatriði hversu mikið hann á að vera eldaður

 

Stappaðar kartöflur með dilli

  1. Kartöflurnar þvegnar og soðnar í léttsöltuðu vatni í u.þ.b. 20 mínútur. Vatninu hellt af og kartöflurnar látnar aðeins jafna sig. Smjörið brætt í potti þar til það verður aðeins brúnt (alls ekki láta það brenna) – því er svo hellt yfir kartöflurnar sem eru stappaðar saman við smjörið.
  2. Dilli bætt saman við og saltað

Köld kryddsósa

  1. Allt hráefni sett í skál og hrært vel saman

 

Meðlæti: Ferskt salat og límónubátar.

Leave a Comment

Netfang þitt verður ekki birt. Nauðsynlegir reitir eru merktir *

*