Frábær muhammara kryddsósa
Uppruni
Þessi góða sósa á vel við með ýmiss konar grillmat og kjötréttum. Gott að eiga hana í kæli.
Hráefni
- 2 rauðar paprikur – u.þ.b. 300 g – kjarnhreinsaðar
- 1 dl valhnetur
- 2 hvítlauksrif
- 1 msk sítrónusafi
- 1½ – 2 msk granateplasíróp (fæst í Istanbul market í Ármúla)
- ¼ tsk cumin
- ¼ dl ólífuolía
- ¼ dl fersk persilja/steinselja – söxuð smátt
- Salt og pipar
- Skraut: granatepli, valhnetur, steinselja og olía
Verklýsing
- Ofninn stilltur á 250°C
- Paprikur – skornar í tvennt og kjarnhreinsaðar. Helmingarnir settir á ofnplötu með bökunarpappír – skurðendarnir látnir snúa niður (sjá mynd)
- Grillað ofarlega í ofninum þar til hýðið fer að taka lit (u.þ.b. 15 mínútur) . Tekið úr ofninum og látið kólna aðeins
- Hýðið tekið af – gott að nota hníf til þess. Látið kólna alveg
- Allt nema olía og steinselja sett í matvinnsluvél og maukað saman. Olíu hellt út í og aðeins blandað saman
- Steinselju blandað saman við í lokin – saltað og piprað. Maukið sett í skál og skreytt
Geymsla: Geymist vel í lokuðu íláti í kæli í a.m.k. eina viku.
