Grillað avókadó með hummus og jógúrtsósu

Grillað avókadó með hummus og jógúrtsósu

Grillað avókadó með hummus og jógúrtsósu

  • Servings: 8
  • Tími: 1 klukkustund
  • Difficulty: meðal
  • Prenta

Uppruni

Skemmtilegur réttur sem ég fann í sænsku blaði.  Gott bæði með öðrum réttum eða sem forréttur.

Forvinna

Útbúa hummusinn og jógúrtsósuna eitthvað áður.

Hráefni

Avókadó

  • 4 avókadó – hæfilega mjúk og þroskuð
  • Salt og pipar
  • 1 sítróna
  • Olía

Hummus

  • 250 g kjúklingabaunir
  • 25 g tahini
  • ½ tsk cumin
  • ¼ tsk chiliduft
  • 1½ msk sítrónusafi
  • 1 msk ferskt koriander – saxað
  • 1 msk harissa – kryddmauk (fæst t.d. í Istanbul í Ármúla)

Jógúrtsósa

  • 2 msk tahini
  • 1½ dl grísk jógúrt
  • 2 hvítlauksrif – pressuð
  • Ögn af sítrónusafa

Verklýsing

Avókadó

  1. Avókadó skorið í tvennt og steinninn tekinn úr.  Ágætt að kreista aðeins sítrónusafa yfir.  Olía pensluð á helmingana þar sem skorið var – saltað og piprað
  2. Grillið hitað.  Avókadó sett á grillið (skurðarhliðin látin snúa niður) og grillað á meðalhita í 2 – 3 mínútur.  Ekki hreyfa við þeim á meðan
  3. Sítróna skorin í tvennt og sett á grillið – grillað í 2 mínútur

Hummus

  1. Kjúklingabaunir, tahini, cumin, chili og sítróna maukað saman í matvinnsluvél. Ef maukið er mjög þykkt má setja aðeins kalt vatn í það
  2. Harissa bætt við í lokin ásamt koríander – blandað saman

Jógúrtsósa

  1. Öllu hrært saman í skál

Samsetning

  1. Avókadó sett á bretti, hummus og jógúrtsósa sett ofan á hér og þar.  Gott að setja aðeins af harissa kryddmauki ofan á ásamt ferskum kóriander

Meðlæti

Gott að bera fram með pítubrauði.

Leave a Comment

Netfang þitt verður ekki birt. Nauðsynlegir reitir eru merktir *

*