Súkkulaðigóðgæti með núggati og hnetum – einfalt og gott

Uppruni

Stundum finnst mér gaman að útbúa eitthvað einfalt og gott með kaffinu. Fínt að eiga svona góðgæti í ísskápnum ef einhver kemur óvænt í kaffisopa.

150 g suðusúkkulaði – helst 70% (eða sambland af suðusúkkulaði og 70%)
150 g núggat
U.þ.b. 2 dl hnetu- og fræblanda – saxað gróft (gott að hafa saltaðar cashewhnetur, möndlur, pistasíuhnetur og graskersfræ)
1- 2 msk hvítt súkkulaði (má sleppa)
Saltflögur

Súkkulaði og núggat hitað rólega yfir vatnsbaði – blandað saman með sleif. Hvíta súkkulaðið sett í lokin
Þegar blandan er orðin slétt og fín er henni hellt ofan í ofnskúffu með bökunarpappír á og dreift úr henni – smekksatriði hversu þykk súkkulaðiplatan á að vera
Bökunarplatan látin kólna aðeins. Þegar súkkulaðiblandan hefur aðeins tekið sig er hnetumulningnum dreift yfir og aðeins af saltflögum – sett í kæli
Platan er brotin eða skorin niður. Gott að geyma bitana í lokuðu íláti í kæli.
Bitarnir verða fljótt mjúkir þannig að best er að bera þá á borð rétt áður en á að gæða sér á þeim