Klassísk sjónvarpskaka
Uppruni
Þessa uppskrift fann Heba, dóttir mín, á netinu og breytti aðeins. Fín kaka sem kláraðist upp til agna.
Hráefni
Botn
- 4 egg
- 250 g sykur
- 1 tsk vanilludropar eða Vanillu extract
- 3 tsk lyftiduft
- 250 g hveiti
- 2 dl mjólk
- 50 g smjör
Góðgæti ofan á
- 110 g smjör
- 160 g kókosmjöl
- 170 g púðursykur
- Rúmlega ½ dl mjólk
Verklýsing
Botn
- Ofninn hitaður í 180°C
- Egg, sykur og vanilludropar þeytt saman þar til það verður létt og ljóst
- Hveiti og lyftiduft sigtað saman og bætt við. Hrært saman í deig
- Smjör brætt í potti og mjólk blandað saman við
- Því er bætt við deigið og hrært saman
- Deigið sett í ofnskúffu ( u.þ.b. 35 x 30 cm) með smjörpappír undir og bakað í 20 mínútur
- Góðgæti ofan á: Smjör, kókosmjöl, mjólk og púðursykur sett í pott og hitað við meðalhita í nokkrar mínútur
- Blöndunni dreift yfir kökuna og kakan bökuð 5 mínútur í viðbót í ofninum
Geymsla
Kakan er fín daginn eftir en samt er hún best nýbökuð.
Útgáfa Örnu á sjónvarpskökunni – aðeins að bleikum matarlit í botninn.