Hvítir súkklulaðibitar með möndlum og lakkrísdufti - algjört lostæti
Uppruni
Ef tíminn er naumur og bjóða á upp á eitthvað lítið en sætt með kaffinu er þessi heimatilbúna uppskrift alveg upplögð. Gott að eiga svona bita í kælinum. Það má jafnvel nota þá sem skraut á köku.
Hráefni
- U.þ.b. 100 g hvítir súkkulaðidropar
- 25 g möndlur – saxaðar gróft
- Lakkrísduft
Verklýsing
- Hvítt súkkulaði brætt í skál yfir heitu vatnsbaði (skálin sett á pott með heitu vatni í – ekki láta vatnið sjóða of mikið)
- Súkkulaðibráðinni hellt yfir bökunarpappír og möndlum stráð yfir. Lakkrísdufti dreift yfir – sett í kæli
- Þegar platan er orðin hörð er hún brotin í bita
Geymsla: Geymist vel í kæli