Hafragrautur með fræjum - ósoðinn
Uppruni
Þetta er góð leið til að fá sér hollan og góðan morgunmat. Uppskriftin kemur frá Ernu en það má leika sér með hráefnið. Ég hef t.d. bara notað möndlumjólk en einnig má nota kókosmjólk (í fernum), trönuber, smá vanilluduft eða bara það sem hvern og einn langar til. Frábært að taka með sem nesti – hálfa krukku af graut og fylla krukkuna með ávöxtum.
Forvinna
Grauturinn þarf að standa yfir nótt eða í nokkra klukkutíma.
Hráefni
Hafragrautur
- 3 msk tröllahafrar
- 1 msk hörfræ
- 1 msk chiafræ
- 1 msk sólblómafræ
- 1 msk hnetusmjör/döðlur
- 1 msk kókosflögur (má seppa)
- 2 – 3 dl möndlumjólk og/eða kókosmjólk (í fernum)
- Smá salt
- Örlítið af kanil (má sleppa)
Ofan á
- Rúsínur, múslí, hnetur eða möndlur – bara eftir smekk hvers og eins
- Ávextir – niðurskornir
Verklýsing
- Öllu hráefni í hafragrautinn blandað saman – látið standa yfir nótt
- Ávöxtum bætt við í lokin – krukkan fyllt