Pönnukökur draumalandsins
Uppruni
Þessi uppskrift kemur úr gamalli matreiðslubók sem hefur fylgt fjölskyldunni í áratugi. Hún hefur mikið verið notuð af ungum sem öldnum og stendur alltaf fyrir sínu.
Forvinna
Tilvalið að hræra í pönnukökudeigið aðeins áður og láta það standa. Geymist vel í kæli yfir nótt.
Hráefni
- 2 dl hveiti
- 1/8 tsk matarsódi (natron)
- ¼ tsk salt
- 1 lítið egg
- 3 dl mjólk
- 2 msk smjör eða olía
- Vanilludropar eftir smekk
Verklýsing
- Þurrefnum er blandað saman í skál
- 2 dl af mjólk bætt við og hrært saman með pískara eða í hrærivél þar til blandan verður kekkjalaus
- Eggi og 1 dl af mjólk bætt við
- Vanilludropum og bræddu smjöri/olíu hrært saman við
- Látið standa
- Bakað við miðlungshita. Mér finnst betra að hafa pönnukökurnar þunnar en það er smekksatriði
Meðlæti
Þeyttur rjómi, sulta/hlaup/sykur eða bráðið suðusúkkulaði.