Vinsæl rice krispieskaka með þristum
Uppruni
Þessi uppskrift kemur frá vinkonu Guðrúnar en þristar eru í miklu uppáhaldi hér á bæ. Ég breytti aðeins hlutföllunum en í upphaflegu uppskriftinni var aðeins meira síróp og minna súkkulaði. Þessi kaka er upplögð í barnaafmælið enda mjög góð. Stór kostur hvað auðvelt er að búa hana til.
Hráefni
- 150 -160 g suðusúkkulaði
- 1 poki þristar
- 2 msk síróp
- 70 g smjör (má einnig nota kókosolíu)
- 5 bollar rice krispies (rice crispies)
Verklýsing
- Smjör, síróp, þristar og súkkulaði sett í stóra skál ofan á potti með vatni – látið bráðna við lágan hita
- Rice krispies blandað saman við
- Blandan sett í kökuform – gott að nota spaða til að þrýsta kökunni niður
- Sett í plastpoka í frysti
- Kakan skorin í bita og þeim raðað á kökudisk
Sæl Hanna,
heldurðu að þessi uppskrift henti vel í rice crispis kransaköku
kv. Elín
Sæl Elín,
Ég hef ekki gert það en það er góð hugmynd. Ég er að fara að ferma núna og ætla að prófa 🙂
Kveðja,
Hanna
Hæhæ, ERtu ekki að skera þristana í minni bita? 🙂
Kv. Inga
Sæl Inga,
Nei ég hef ekki skorið bitana heldur set bara allt í skál og látið allt bráðna saman á vægum hita. Með því að skera þristana í minni bita tekur bara styttri tíma að láta allt bráðna sem er líka fínt 🙂
Kveðja, Hanna
Ahh takk fyrir þetta, ætla að prufa þessa fyrir 1.árs afmæli um helgina. Helduru ekki að mér ætti að vera óhætt að gera hana í kvöld, frysta – taka svo út á föstudagskvöld og skera í bita og geyma í kæli yfir nóttina (afmælið á laugardaginn) 😀
Já upplagt að gera hana nokkrum dögum áður og geyma í frysti. Flott líka að búin að skera hana niður og geyma í kæli eða bara tekið hana út einhverju áður á laugdardaginn, skorið hana niður og svo geymt í kæli þar til bitarnir eru bornir fram. Var að gera í dag kransakökuútfærslu af þessari uppskrift fyrir fermingu á laugardaginn – geymi hana í frysti fram á laugardag og set hana þá saman 🙂