Mjög einfalt súkkulaðikonfekt með hollustublöndu og lakkrískeimi
Uppruni
Ef þú vilt eiga gott með kaffinu en tíminn er takrmarkaður er þetta fín uppskrift. Einfalt og gott.
Forvinna
Þetta er hægt að útbúa eitthvað áður og geyma í kæli.
Hráefni
- Rúmlega 100 g af 70% súkkulaði (betra að hafa meirihlutann 70% suðusúkkulaði)
- U.þ.b. 40 g suðusúkkulaði
- ½ tsk lakkrísduft (lakridspulver)
- 1 dl sambland af hollustublöndu (hnetum, kókos og/eða fræjum) – saxað gróft
- Lakkrísduft og saltflögur til skreytingar. Einnig má skreyta með litlum bitum af þurrkuðum ávöxtum
Verklýsing
- Súkkulaði brætt í skál yfir heitu vatnsbaði (skálin sett á pott með heitu vatni – ekki láta vatnið sjóða of mikið)
- Hollustublöndu bætt saman við súkkulaðibráðina
- Mótaðir litlir, hringlaga bitar á bakka með bökunarpappír – gott að nota litla skeið til þess – lögunin má vera frjáls
- Bakkinn settur smá stund í kæli og leyft að harðan aðeins. Áður en bitarnir verða alveg harðir er skreytt með lakkrísdufti, saltflögum og/eða ávaxtabitum. Athuga að ef duftið eða flögurnar eru settar of snemma á súkkulaðið blandast allt saman og skreytingin verður ekki eins falleg