Hrákaka með karamellukeimi
Uppruni
Þessi kaka er afrakstur tilraunastarfsemi og sambland af nokkrum hrákökuuppskriftum. Hún lukkaðist vel og má leika sér að mismunandi útgáfum. Það má t.d. sleppa því að setja súkkulaðihjúpinn efst eða sleppa niðurskornum bönunum á milli laga. Kakan er bæði góð og falleg á fati. Athuga að hún er mjög saðsöm.
Forvinna: Upplagt að búa þessa hráköku til nokkrum dögum áður og geyma í frysti – bara að muna að setja plast yfir hana. Hneturnar verða að liggja nokkrar klukkustundir í vatni.
Hráefni
Lag 1 – botn
- 3 dl möndlur
- 10 stk döðlur
- 1½ dl rifinn kókos
- 1 tsk vanilluduft
- Tæplega 1 tsk salt
- 2 msk appelsínusafi eða annar hreinn ávaxtasafi
Lag 2 – fylling
- 4 dl cashewhnetur (látnar liggja í bleyti yfir nótt eða nokkrar klukkustundir)
- 2 msk hunang
- 2 msk lucumaduft
- 1 msk möndlusmjör
- 1 tsk vanilluduft
- ½ stk avokadó/lárpera
- Ögn af saltflögum
- 2 dl kokosolía – brædd
- Aðeins af rifnum sítrónuberki (nota lífræna sítrónu)
Lag 3
- 1 stk banani
Lag 4 – karamellufylling
- 6 döðlur
- 1 dl vatn
- ½ dl rifinn kókos
- 1 msk lucamaduft
- ½ tsk salt
Lag 5 – súkkulaðibráð
- Möndlur/valhnetur – saxaðar gróft
- Kókosflögur – t.d. ristaðar
- 4 msk kókosolía – brædd
- 2 msk kakó
- 1 tsk hunang
Verklýsing
Ath: óþarfi að þvo skálina í matvinnsluvélinni á milli laga
Lag 1 – botn
- Allt hráefni sett í matvinnsluvél og maukað saman. Sett í 20 cm smelluform þar sem bökunarpappír er í botninum – þjappað og sett í frysti/kæli. Ath: Kökuna má setja í stærra form en þá verður hvert lag þynnra
Lag 2 – fylling
- Cashewhneturnar látnar liggja í bleyti í vatni yfir nótt eða í nokkrar klukkustundir
- Vatnið látið renna af og hneturnar settar í matvinnsluvél ásamt afgangi af hráefninu (betra að setja kokosolíuna alveg í lokin) – maukað vel saman
- Blandan sett yfir botninn – brúnirnar látnar vera aðeins hærri þannig að í miðjunni myndist hola (þar eru bananasneiðarnar settar). Kakan sett í frysti
Lag 3 – banani
- Banani skorinn í þunnar sneiðar og þeim raðað á miðja kökuna. Fyrir þá sem eru lítið hrifnir af bönunum má alveg sleppa þessu lagi
Lag 4 – karamellufylling
- Allt hráefni sett í matvinnsluvél og maukað saman
- Smurt yfir kökuna – sett í frysti
Efsta lag
- Möndlum/valhnetum og kókosflögum – dreift yfir kökuna
- Kókosolía og kakó blandað saman og hellt yfir
- Plastfilma sett yfir smelluformið og kakan geymd í frysti í 3 – 4 klukkustundir
- Best að taka kökuna út u.þ.b. 1 klukkustund áður en hún er borin fram – hún er betri þegar hún hefur aðeins þiðnað. Fallegt að strá nokkrum saltflögum yfir
Lag 1 – botn
Lag 2 – fylling
Lag 3 og 4 – banani og karamellufylling
Hnetum og ristuðum kókosflögum stráð yfir
Efsta lagið komið á og kakan nýkomin úr frysti