Kartöflusalat - gott með grilluðum pylsum
Uppruni
Þessi uppskrift er heimatilbúin og er salatið gott með grillmat, pylsum eða ofan ,,á eina með öllu“.
Hráefni
- U.þ.b. 2 dl grísk jógúrt eða 1 dós sýrður rjómi
- 125 ml majónes
- 1 msk sweet relish ( t.d. Boston gurka frá Felix)
- 1 tsk karrý
- ½ laukur – hakkaður smátt (má nota púrru eða vorlauk í staðinn)
- Salt og pipar
- 750 g soðnar kartöflur – skornar í bita
- Einnig má krydda aðeins með turmerik, cumin eða/og garam masala
Verklýsing
- Kartöflur soðnar (settar í vatn með smá salti – suðan látin koma upp, hitinn lækaður og soðið í 20 mínútur). Kartöflur flysjaðar – sumir flysja og sjóða svo
- Sýrðum rjóma og majónesi pískað saman – lauk bætt við ásamt relish, karrý, salti og pipar
- Kartöflurnar látnar kólna og skornar í litla bita – bætt við og öllu blandað saman
- Fallegt að skreyta með steinselju eða graslauk
Geymsla
Kartöflusalatið geymist ágætlega í nokkra daga í kæli.
Hráefni
