Súkkulaðitrufflubitar með keim af myntu
Uppruni
Súkkulaðitrufflubita fékk ég í matarboði um daginn og voru þeir með keim af earl grey. Bitarnir voru sérstaklega ljúffengir og fékk ég uppskriftina hjá gestgjafanum. Þar sem mikið er til af ferskri myntu í garðinum ákvað að nota hana í stað telaufana (earl grey). Trufflurnar mínar voru líka ljúffengar og ekki spillir fyrir að þær geymast vel í kæli.
Hráefni
- 200 g rjómi
- 95 g síróp
- Rúmlega ½ dl fersk myntulauf
- 250 g 70% súkkulaði – saxað í litla bita
- 50 g saltlaust smjör – mjúkt
- Kakó
Verklýsing
- Súkkulaði saxað í litla bita og látið bráðna yfir vatnsbaði á vægum hita
- Rjómi, síróp og mynta hitað hægt að suðu – mikilvægt að slökkva undir áður en byrjar að sjóða
- Súkkulaðibráðin og rjómablandan blandaðar saman – ágætt að nota pískara til að blandan verði slétt og fín
- Smjör sett út í – ágætt að skera það í bita
- Súkkulaðiblandan sett í brauðform (u.þ.b. 30 x 12) cm með plastfilmu í botninum (sjá mynd) – látið harðna í ísskáp eða frysti
- Tekið út og skorið í mátulega stóra bita og velt upp úr kakói
Geymsla
Geymist vel í lokuðu boxi í kæli.